Wilaa Dildilsihl Gat
W̓ahlin-G̱alts’ipts’ap Nisg̱a’a
- Wil sit’aatkwst
- Adaawaḵ
- Wil luxwlukwhl gat
- Pdeeḵ
- Pdeeḵ g̱anhl ayukws
- Wil aathl Nisg̱a’a
- T’ilx
- Siilin̓skw
- Wineeyim y̓ans / maay̓
- Hlil̓skw
- Gihlee’em g̱an / Gihlee’em-g̱anit
- Hugax̱am g̱andidils
- Wil Diyeewa’adii
- Wil Lil̓gitdii
- W̓ahlin-simhuwilp
- Sii K’uuhl Nisg̱a’a
- Wil hanaḵ’hl ḵ’aym̓asim hanak’
- Wil gathl ḵ’aym̓asim gat
- Wil naksdii
- Wil gin̓amtkwhl wa ahl hlgutk’ihlkw
- Halayt
- Miilugum Halayt
- Amhalayt
- Haseeḵ
- Laax̱-hism̓aaltkws
- W̓ildigitkw
- Anhooya’a
Sim Huwilp
G̱ooḵhl dim bakwhl European,ii ksax̱ sim huwilphl maḵsgwit ahl gixg̱alts’abim Nisg̱a’a ahl w̓iitax̱ sim wilphl japdiit.
Tx̱alpx̱ wil k’ap, ii kwsdins wil k’aphl g̱a’ ooksit, ii tx̱alpx̱ wil k’ap di kwsdins wil k’aphl g̱an̓agwit. N̓i wil luu-wanhl g̱a angigatkwhl w̓ii sim’oogit, m̓isḵ’a luu- wanhl w̓ii hilda gat loot.
N̓ihl lax̱-a-wilp wil n̓ii-wanhl simg̱an an m̓in-dax̱yugwihl wilp wan n̓ihl n̓ii-tx̱as-do̱xat hlaxwhl wilp ts’im-haahlg̱an. Nidii sg̱a-dox̱hl simg̱an ahl lax̱-a-wilp wilt n̓aa-ḵ’otsdiithl lax̱-a-wilp dim wilaa g̱alksi-bax̱hl miy̓een. Anlakwhl hoox̱diit ahl wil kukwdiit g̱anhl ii n̓it an luu-sigamkhl sim wilp.
Hli ts’eew̓ihl sim wilp iit sim amaa japdiit ligii gwilal̓ wil k’aphl luu-g̱alay̓it, ii ligii kwsdins t’ip-g̱an̓agwit awa’ahl wil lamjax̱dii.
Hli hak’yo’ohl sim wilp, iit japdiithl dim wil n̓ii-wanhl sim’oogit g̱anhl simgigat yukwhl lil̓gitdiit, oo jidaa yukwt mahldiithl g̱a’adaawaḵdiit g̱anhl wil yukwt japdiithl g̱ag̱etgum ayuuḵdiit.
