Ways of Life

Sag̱ag̱etkws Wilaa Loom̓

Wann̓ihl wilaa loohl hlag̱ats’uuhl wil n̓aat’ahl huxwdii dox̱hl g̱ag̱etgum ayuuḵ loom̓. Hugax̱ahl ayuug̱am̓hl wil maḵskwhl w̓iit’ax̱ g̱an.

“Sḵ’an” wil n̓ii-liskwh maay’ [hugax̱athl sḵ’an apples] mahli k’il̓hl g̱an iit dax̱yugwihl ax̱’aamit ahl nimdii dip dast. Jidaa mi ga’ahl ax̱ aamit, dim ii mi ts’ins- tk’u-bax̱t. Nimdii mi hugax̱hl wilaa loodiit ahl wil hat’ax̱kw wilaa loodiit, ii sim dax̱gathl dii g̱awisit.

 

Sḵ’an wil
Gilo ji sḵ’an wilin oo ji mi hilaḵ’anhl ayuuḵ ii mi sg̱eksa’anhl hlag̱ats’uun, lip n̓iin oo ligii hli angigatgwin

Sḵ’an hi
Gilo mi ji sik’ihl guudihl agu, wil nidii n̓iin ji wilit loot. Dim sihashusa’anskw n̓iin.

Sḵ’an algax̱
Gilo ji x̱g̱ado’omsgwin oo ligii sḵ’an hin hli g̱adoo’ohl gat.

Jidaa mi gwinga’adihl t’ilx̱ooskw ahl g̱ag̱etgum ayuuḵ tgun, ii ts’im-aam g̱anhl g̱anluu-amaa g̱oot dim wil luu-didilsin, ii nimdii luu-g̱etkwhl g̱oodin jidaa mi ax̱ luu-yox̱kwhl ax̱ aamim g̱andidils.